موّال
Zaghouan
25-12-2021
Nombre
35 personnes
Durée
48 heures
Difficulté
Facile
Description
نبينا و صلينا عليه 😁🙏
7:00 موعدنا كيما عادتنا في كيوسك عجيلTunis, TGM وين مستناسين نبداو خرافتنا كل مرة 😇
نبداو بالواحد بالواحد نتلمو و كل واحد يقرب تشوف شفتو كي تبسمت و عينيه ضحكة قلوب 😍
نشربو قهوتنا و نركحو سيكاننا و تبداو تسمعو يلا #شباب معادش بكري 😅 أكيد عرفتوه شكون
8:00 نكملو و نقصدو ربي و إن شاء الله راجعين سالمين 🙏
نعملو ترتيحة في الثنية و تبدا تسمع في قداه ناخذو خبز و شنيا ناقصنا 😄
10:30 نوصلو بحول الله🙏
و نبداو نعيشو في دنيتنا 😇
كل واحد إختار التركينة البنينة الي باش تكون دويرتو الليلة هذيكا ، حط tente🏕️ و بدا يركح في دنيتو 💛
11:15 نبداو بنتنا و موالنا
نعطيو كلمتين خفاف نظاف ، نرحبو بضيوفنا و نرحبو بيكم
و بعد باش تكون عيشتنا أسهل و باش نعدلو العود و نكونو على فرد موجة ، نعملو deux activités de Brise glace
وهوني نبداو نذوقو 😋
12:15 فطير 🍗🍔🌭🥪
كل واحد يجيب زادو و زوادو و يعمل تحريشة و دوليشة في بنة البلاصة ، عالية و تحتك غابة 🌳
15:30 نعاودو نتلمو و نبداو في العيشة 😁
أطراح شكبة و شكون كلا كبوط ديناري ♦️ بهيمة و نوفي و خربڨة و شكون يكسح و شكون يماري 😁
نعملو أطراح و قعيدة زمنية و إيجا منا و ذوق البنة 😋
18:00 يطيح الحس شويا و أحرك جيب عشاك
و تبدا تسمع في هات ملحك و هات إفاحك و زيد فوحلي السوس راني مانيش نشم فاها يا بوها 😅😋
نتلمو الكل على فرد طاولة و إنشعلو شمعات عشرتنا و ليلتنا و المكتوب الي لمنا و إن شاء الله ما يطفيها شيء 😇🕯️
نحلمو و نحكيو حلماتنا و ننساو همومنا و وجايعنا ،
نحلمو ونخليو كل شيء ورانا و نتصورو عالم مزاين ، نصور زين التصويرة في بالي و نتبسملها ، نعنق ضحكتي و دموع حلمتي و نقول غدوة أكيد باش يكون خير ، مسيرها تهون
20:30 تبدا ليلتنا
بالجبة و الشاشية ، تبدا تسمع في يا للا و يا سيدي ، تشوف الدنڨري و الخلخال ، التونسي و الزمني ، الصوفي و الروحاني ،
الليل زاهي و بالك تنساني 🎵
الشمعة مضويا و البخور عجعاجي ،
كويس التاي منعنع و القهوة ززوة بالصرة ☕
نغنيو و نقولو سيدي علي عزوز و الله يا رجالة 🙏
بعدها نعيشو التركيبة البنينة و الي بين الصوفي التونسي وبين Musique électronique ,
بنة باش تشوفوها من عند cherif ahmed
باش تهز عقلقكم و تسافر بيكم
00:30 بات الرزق
نكملو ليلتنا بالصلاة على النبي و كسر كفك و طيح الحس ،
نعملو نومة بنينة و أكيد كل واحد باش يسرح في دنيتو 😇، les détails الي عاشهم و لا الغزرة الي سحرتو😍 ،
الغناية الي ذكرتو ولا التصويرة الي رجعتلو
جاء الصباح و يا فتاح يارزاق 🙏🤲
9:30 نقومو و نعملو فطيرنا و طرف تصيورات
12:30 نلمو دنيتنا تك تك
14:00 نقصدو ربي و هز يدك مالطبق لا تتحرق 😁
Commodités
Transport
Accès à l'espace de campement
Emplacement
Avis
0/5
Pas Noté
basée sur
0 avis
Excellent
0
Très bien
0
Moyenne
0
Pauvre
0
Terrible
0
Pas d'avis
Wevibe
Member depuis Jan 2020
de
43 $
